അത്യക്ഷരങ്ങള്‍ പഠിച്ച വിദ്യാലയത്തില്‍
ഒരു സൗഹൃദ കൂട്ടായ്മക്കായ്
വിദ്യാലയമെന്ന പട വൃക്ഷത്തില്‍ നിന്നും
പറന്നുപോയ കിളികള്‍, അവര്‍
ഒത്തു ചേരുന്നിതാ ആ തണല്‍-
വൃക്ഷത്തിന്‍ ചുവട്ടില്‍
ഓര്‍മ്മകള്‍ പങ്കിടാന്‍, പഴയ
ആ സൗഹൃദം നുകരുവാന്‍
ഒത്തൊരുമിക്കയാണവര്‍
സ്വപ്നങ്ങള്‍ ചിറകുവിടര്‍ത്തിയ
ആ വിദ്യാലയ മുറ്റത്ത്
സ്വപ്ന സാഫല്യങ്ങള്‍ക്കായ് പല
ചില്ലകള്‍ തോറും ചേക്കേറിയോര്‍
ദേശാടനത്തിനു പോയവര്‍
വരികയാണിവര്‍ വീണ്ടും
ഈ മകരമഞ്ഞില്‍ കുളിര്‍മ്മയില്‍
ഒത്തൊരുമിച്ചുല്ലസിക്കാന്‍
അവരുടെ സ്വപ്നങ്ങള്‍ തളിര്‍ത്ത
ഈ വിദ്യാലയാങ്കണത്തില്‍
മുഹ്സിന്‍ വെളിയങ്കോട്
No comments:
Post a Comment